Raqobatni rivojlantirish va isteʼmolchilar huquqlarini himoya qilish qoʻmitasining Fargʻona viloyati hududiy boshqarmasi tomonidan Oʻzbekiston Respublikasining “Davlat xaridlari toʻgʻrisida” va “Raqobat toʻgʻrisida«gi Qonun talablariga rioya qilinishi borasida joriy yilning 15-iyun holatida 1030 ta lot boʻyicha 2471,1 milliard soʻmlik tanlov va tender savdolari yuzasidan oʻrganish ishlari olib borildi.

— Oʻrganish yakuni boʻyicha amaldagi tartibga rioya etmagani uchun 34 ta buyurtmachi tashkilotning mansabdor shaxslariga nisbatan Oʻzbekiston Respublikasi “Maʼmuriy javobgarlik toʻgʻrisida«gi Kodeksining 279-281-moddalariga asosan maʼmuriy huquqbuzarlik toʻgʻrisida bayonnoma tuzilib, Jinoyat ishlari boʻyicha tuman, shahar sudlari orqali maʼmuriy jarimalar qoʻllanildi,—deydi hududiy boshqarma bosh mutaxassisi Bahodirjon Umaraliyev. — Shu bilan birga hududiy boshqarma tomonidan yuqoridagi buyurtmachi tashkilotlarning mansabdor shaxslariga “Davlat xaridlari toʻgʻrisida” va “Raqobat toʻgʻrisida«gi Qonun talablariga rioya qilinishi boʻyicha tegishli qaror hamda koʻrsatmalar berildi.

Ayni yoʻnalishda hududiy boshqarma mutaxassislari tomonidan viloyatdagi barcha shahar va tumanlarda “Davlat xaridlari sohasida qonunchilik ijrosi” mavzusida muntazam ravishda seminar-treninglar oʻtkazib kelinmoqda. Uchrashuvlarda davlat xaridlari sohasida qonunchilik ijrosi boʻyicha tushuntirish ishlari olib borilmoqda.

                                                                          Botir MADIYOROV, “Xalq soʻzi”.