Фото: Муҳсин Умурзоқов / «Халқ сўзи»

«Ўзгидромет» 6-10 апрель кунлари давомида кузатиладиган об-ҳаво прогнозини эълон қилди.

Унга кўра, бугун, 6 апрель куни кундузи Ўзбекистон бўйича баъзи жойларда қисқа муддатли ёмғир ёғади, момақалдироқ кузатилиши мумкин. Тошкент вилоятида ва Фарғона водийси вилоятларида ёғингарчилик кутилмайди. Ҳаво ҳарорати 18-23 даража, баъзи жойларда 24-26 даражагача бўлади.

7-8 апрель кунлари республиканинг кўпчилик вилоятларида ёмғир ёғади, баъзи жойларда момақалдироқ билан кузатилади. Ҳарорат асосан кундуз кунлари 13-18 даража бўлади.

9-10 апрелда фақат республиканинг айрим жойларида қисқа муддатли ёмғир ёғиши, момақалдироқ бўлиши мумкин. Кундузги ҳарорат 20-25 даражагача кўтарилади. 6-7 апрелда баъзи жойларда 15-20 метр/секундгача кучаяди, айрим жойларда чанг-тўзонлар билан кузатилади.

Республиканинг тоғ олди ва тоғли ҳудудларида сел-сув тошқин ҳодисалари юзага келиши мумкин. Тоғларда қор кўчиши хавфи бор.

Тошкент шаҳрида бугун ёғингарчилик кутилмайди, ҳаво ҳарорати 24-26 даража бўлади. 7-8 апрелда вақти-вақти билан ёмғир ёғади, момақалдироқ бўлиши мумкин. 7 апрелда шамол тезлиги 12-14 метр/секундгача кучаяди. Ҳарорат кундузи 15-17 даража бўлади.

9 апрелда қисқа муддатли ёмғир ёғиши мумкин. 10 апрелда эса ёғингарчилик кутилмайди, ҳаво ҳарорати 20-25 даражагача кўтарилади.