Наманганда тадбиркордан 1,5 минг доллар талаб қилган бош архитектор ушланди
Наманган туманида тадбиркордан 1,5 минг доллар талаб қилган бош архитектор ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Қайд этилишича, Департаментнинг Наманган тумани бўлими ва ДХХ ходимлари ҳамкорлигида тадбиркорлик субъектларининг ҳуқуқларини ҳимоя қилиш юзасидан тезкор тадбир ўтказилган. Унда Наманган тумани Қурилиш ва уй-жой коммунал хўжалиги бўлими бош архитектори қўлга олинган.
Аниқланишича, у туманда фаолият юритувчи оилавий корхона раҳбаридан яшаш уйининг бир қисмида янги ташкил этаётган автомобилларни ювиш шохобчасининг лойиҳа ҳужжатларини тайёрлаб, қурилиш ишларига қўйилган тақиқни бекор қилдириб бериши эвазига 1,5 минг доллар талаб қилган. Шундан сўнг пулнинг 500 долларини қўлга киритиб, ўз хизмат хонасида қолган 1 000 долларни олган вақтида ашёвий далиллар билан ушланган.
Маълум қилинишича, ҳозирда мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Тошкентда қиличбозликнинг сабля йўналиши бўйича Жаҳон кубоги босқичи старт олди
- «Дронлар дуэли» ёхуд Украинадан Эронгача бўлган синов полигонларида шаклланган янги дунё тартиби
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг