Эртага, 7 апрель куни баҳорги аттестация синовлари бошланади. Бу ҳақида Таълим назорати Telegram-канали хабар берди.

Маълум қилинишича, малака синовлари белгиланган, манзилларда реал вақт режимида барча ўқув фанлари бўйича тест шаклида ўтказилади.

Мактабгача, умумий ўрта ва мактабдан ташқари таълим ташкилотлари педагог кадрлари учун аттестациянинг биринчи босқичида педагогнинг мутахассислик фани ва касб стандарти бўйича билим даражасини аниқлаш мақсадида 40 та, хусусан, 35 та мутахассислик фандан +5 та педагогнинг касбий стандартларидан тест топшириғи берилади. Ҳар бир тўғри бажарилган тест топшириғи 2 балл билан баҳоланиб, тест синовлари учун жами 80 балл жамғарилади.

Шунингдек, иккинчи босқичда педагогик маҳоратни аниқлаш мақсадида илғор педагогик услуб ва технологияларни, хусусан, «case study» услуби, лойиҳалар услуби, ҳамкорликда ўқитиш, «амалий ўйин», интерфаол таълим каби услубларни қўллаш бўйича 10 та топшириқ берилади. Ҳар бир тўғри берилган жавоб 2 балл билан баҳоланиб, жами 20 балл тақдим этилади.

Маълумот учун, ҳар иккала босқич ҳам бир вақтда компьютер дастурлари орқали амалга оширилади. Математика, Информатика ва ахборот технологиялари, Физика, Кимё, Биология фанларига 120 дақиқа, қолган фан ёки (лавозим)ларга 90 дақиқа вақт ажратиш режалаштирилган.

Тест жараёнларида иштирок этишдан олдин қуйидаги видео-роликни кўриб чиқишни тавсия қиламиз: