Ertaga, 7-aprel kuni bahorgi attestatsiya sinovlari boshlanadi. Bu haqida Taʼlim nazorati Telegram-kanali xabar berdi.

Maʼlum qilinishicha, malaka sinovlari belgilangan, manzillarda real vaqt rejimida barcha oʻquv fanlari boʻyicha test shaklida oʻtkaziladi.

Maktabgacha, umumiy oʻrta va maktabdan tashqari taʼlim tashkilotlari pedagog kadrlari uchun attestatsiyaning birinchi bosqichida pedagogning mutaxassislik fani va kasb standarti boʻyicha bilim darajasini aniqlash maqsadida 40 ta, xususan, 35 ta mutaxassislik fandan +5 ta pedagogning kasbiy standartlaridan test topshirigʻi beriladi. Har bir toʻgʻri bajarilgan test topshirigʻi 2 ball bilan baholanib, test sinovlari uchun jami 80 ball jamgʻariladi.

Shuningdek, ikkinchi bosqichda pedagogik mahoratni aniqlash maqsadida ilgʻor pedagogik uslub va texnologiyalarni, xususan, “case study” uslubi, loyihalar uslubi, hamkorlikda oʻqitish, “amaliy oʻyin”, interfaol taʼlim kabi uslublarni qoʻllash boʻyicha 10 ta topshiriq beriladi. Har bir toʻgʻri berilgan javob 2 ball bilan baholanib, jami 20 ball taqdim etiladi.

Maʼlumot uchun, har ikkala bosqich ham bir vaqtda kompyuter dasturlari orqali amalga oshiriladi. Matematika, Informatika va axborot texnologiyalari, Fizika, Kimyo, Biologiya fanlariga 120 daqiqa, qolgan fan yoki (lavozim)larga 90 daqiqa vaqt ajratish rejalashtirilgan.

Test jarayonlarida ishtirok etishdan oldin quyidagi video-rolikni koʻrib chiqishni tavsiya qilamiz: