Термизда айрим истеъмолчилар ЙТҲ сабаб газ таъминотисиз қолди

18:15 05 Апрель 2026 Жамият
301 0

Сурхондарё вилояти Термиз шаҳрида содир бўлган йўл-транспорт ҳодисаси оқибатида айрим истеъмолчилар вақтинча газ таъминотисиз қолди. Бу ҳақда «Ҳудудгазтаъминот» АЖ матбуот хизмати хабар берди.

Маълум қилинишича, Термиз шаҳар «Дўстлик» МФЙ Амир Темур кўчасида содир бўлган ЙТҲда газ қувурига автомобиль келиб урилган. Натижада қувурга шикаст етиб, мазкур ҳудуддаги истеъмолчилар газ таъминотидан вақтинча узиб қўйилган.

Қайд этилишича, айни вақтда шаҳар газ таъминоти бўлимининг авария бригадаси томонидан таъмирлаш ишлари олиб борилмоқда.

Хабарга илова қилинган расмдан шуни кўриш мумкинки, воқеа жойида «Nexia-1» ва «Nexia-2» русумли автомашиналар ўзаро тўқнашган. Суратда гувоҳлар жабрланган фуқарога ёрдам кўрсатаётгани ҳам акс этган. Вилоят Йўл ҳаракати хавфсизлиги бошқармаси мазкур ҳодиса юзасидан маълумот бермаган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер