Тошкентдаги «Бешқўрғон» бозорида йирик ёнғин юз бермоқда

17:22 05 Апрель 2026 Жамият
368 0

Тошкент шаҳри Чилонзор туманида жойлашган «Бешқўрғон» бозорида йирик ёнғин содир бўлди. Пойтахт Фавқулодда вазиятлар бош бошқармаси ҳодиса юзасидан бирламчи маълумот берди.

Билдирилишича, бугун, 5 апрель куни соат 15:56 да Тошкент шаҳар Чилонзор тумани, Тошкент катта ҳалқа автомобиль йўли кўчасида жойлашган «Бешқўрғон» бозорида дўкон ёнаётганлиги тўғрисида хабар келиб тушган.

Хабарга кўра, қутқарув экипажлари воқеа жойига зудлик билан етиб бориб, ҳозирда ёнғин ўчириш ишлари олиб борилмоқда.

Қайд этилишича, ёнғин оқибатида тан-жароҳати олганлар тўғрисида хабар келиб тушмаган. Вазият Тошкент шаҳар ФВББ томонидан тўлиқ назоратга олинган.

Ёнғин жойига Фавқулодда вазиятлар вазири генерал майор А.Икрамов етиб борган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер