Жорий йилнинг 1 апрель санасида Лига қошидаги Тартиб-интизом қўмитасининг навбатдаги йиғилиши бўлиб ўтди. Бу ҳақда ташкилотнинг расмий сайтида маълумот берилди. Суперлига:

“Қўқон-1912” – “Навбаҳор”

Суперлига 4-тури доирасидаги Қўқон-1912 – “Навбаҳор” баҳси комиссари билдиргисига кўра, “Қўқон-1912” футбол клуби учрашувни ташкил қилишда кўплаб камчиликларга йўл қўйгани, жумладан, стадионда майдон чизиқлари учрашув стартга 3 соат қолган чизиб тугатилган, майдон майсаси 3,5–4 сантиметрлар атрофида бўлганлиги, кўчма телевизион станция учун Суперлига регламентида талаб қилинган интернет белгиланган тартибда ва тезликда тақдим этилмагани, стадион электрон реклама баннерлари кеч ёқилгани, учрашув давомида инфотейнмент дастури қониқарсиз ижро этилгани ва ўйин олдидан Countdownʼда белгиланган реклама роликлари жамланмаси фақатгина бир марта намойиш этилгани аниқланди.

Қарор: Ўзбекистон Профессионал футбол лигаси Тартиб-интизом кодексининг 73-моддасига асосан “Қўқон-1912” футбол клубига жарима интизомий жазоси қўллансин.

“Навбаҳор лочинлари” футбол клуби ўйинолди машғулотларни 3 дақиқа кеч якунлагани, клуб вакили Бахтиёр Исмоилов учрашув комиссари томонидан огоҳлантирилганига қарамай, футболчилар машғулотга кеч чиқиб келганини рўкач қилиб, уларни майдондан ўз вақтида чиқармаслигини билдириб, комиссар фаолиятига халақит бергани, натижада “Навбаҳор лочинлари” футбол клуби ўйин олдидан трибунаости тоннелга 3 дақиқа кеч чиққанлиги ва ушбу ҳолатлар учрашувни 2 дақиқаю 40 сония кеч бошланишига сабаб бўлгани аниқланди.

Қарор: “Навбаҳор” клуби вакили Бахтиёр Исмоиловга нисбатан жарима интизом чораси.

“Қўқон-1912” футбол клуби мураббийи Февзи Давлетов техник ҳудудда бир неча маротаба учрашув расмийларига кескин ва намойишкорона эътирозларини билдирган ва бу билан у Суперлига регламентининг 15.29-бандини бузганлиги аниқланди.

Қарор: Тартиб-интизом кодексининг 77-моддасига асосан “Қўқон-1912” футбол клуби мураббийи Февзи Давлетовга жарима интизомий жазоси қўллансин.

“Қўқон-1912” – “Навбаҳор лочинлари” учрашуви ҳакамидан билдирги келиб тушган, унга кўра учрашувнинг 83-дақиқасида “Қўқон-1912” футбол клуби футболчиси Силванус Нимели ўйин вақтини сунъий равишда чўзганлиги учун унга сариқ карточка кўрсатилгани аниқланди.

Қарор: жарима интизом чораси

Қизилқум – ОКМК

Суперлига 4-тури доирасидаги “Қизилқум” – ОКМК учрашуви комиссаридан билдирги келиб тушган, унга кўра “Қизилқум” футбол клуби мезбонлигида ўтган учрашувнинг 82-дақиқасида ҳамда учрашувдан сўнг “Қизилқум” футбол клуби мухлислари томонидан майдонга ва унинг атрофидаги ёрдамчи ҳакамларга елим идишлар, ҳар хил буюмлар улоқтирилгани, ушбу буюмлар майдон атрофидаги шахсларга теккани аниқланди.

Қарор: Тартиб-интизом кодексининг 79-моддасига асосан “Қизилқум” футбол клубига жарима интизомий жазоси ҳамда “Қизилқум” футбол клубининг келгуси битта уй учрашувида стадионнинг T-20, A, B-2 секторларига томошабинларнинг киришига тақиқ қўйиш интизомий жазоси қўллансин.

“Қизилқум” – ОКМК учрашуви ҳакамидан билдирги келиб тушган, унга кўра учрашувнинг 55-дақиқасида “Қизилқум“ футбол клуби футболчиси Шаҳзод Туропов ҳакамнинг қарорига эътирози учун унга сариқ карточка кўрсатилгани аниқланди.

Қарор: жарима интизом чораси

“Қизилқум” – ОКМК учрашуви ҳакамидан билдирги келиб тушган, унга кўра учрашувнинг 78-дақиқасида “Қизилқум” футбол клуби футболчиси Ислом Кенжабоев ҳакамнинг қарорига эътирози учун унга сариқ карточка кўрсатилгани аниқланди.

Қарор: жарима интизомий жазоси

“Қизилқум” – ОКМК учрашуви ҳакамидан билдирги келиб тушган, унга кўра учрашувнинг 84-дақиқасида “Қизилқум” футбол клуби мураббийи Акмал Рустамов ҳакамнинг қарорига эътирози учун унга сариқ карточка кўрсатилгани аниқланди.

Қарор: жарима интизомий жазоси

“Хоразм” – “Бунёдкор”

Суперлига 4-тури доирасидаги “Хоразм” – “Бунёдкор” учрашуви ҳакамидан билдирги келиб тушган, унга кўра учрашувнинг 40-дақиқасида “Бунёдкор” футбол клуби футболчиси Сардор Раҳмонов ўйин вақтини сунъий равишда чўзганлиги учун унга сариқ карточка кўрсатилгани аниқланди.

Қарор: жарима интизом чораси

Суперлига 4-тури доирасидаги “Хоразм” – “Бунёдкор” учрашуви ҳакамидан билдирги келиб тушган, унга кўра учрашувнинг 90+1-дақиқасида “Бунёдкор” футбол клуби футболчиси Федерико Ботти ўйин вақтини сунъий равишда чўзганлиги учун унга сариқ карточка кўрсатилгани аниқланди.

Қарор: жарима интизом чораси

“Бухоро” – “Динамо”

Суперлига 4-тури доирасидаги “Бухоро” – “Динамо” учрашуви ҳакамидан билдирги келиб тушган, унга кўра учрашувнинг 89-дақиқасида “Бухоро“ футбол клуби футболчиси Равшан Хайруллаев ўйин вақтини чўзганлиги учун унга сариқ карточка кўрсатилгани аниқланди.

Қарор: жарима интизом чораси

Суперлига 4-тури доирасидаги “Бухоро” – “Динамо” учрашуви ҳакамидан билдирги келиб тушган, унга кўра учрашувнинг 87-дақиқасида “Динамо” футбол клуби футболчиси Хислат Халилов симуляция ишлатгани учун унга сариқ карточка кўрсатилгани аниқланди.

Қарор: жарима интизом чораси

“Нефтчи” – “Локомотив”

Суперлига 4-тури доирасидаги “Нефтчи” – “Локомотив” учрашуви ҳакамидан билдирги келиб тушган, унга кўра учрашувнинг 82-дақиқасида “Нефтчи” футбол клуби футболчиси Иззатилло Пўлатов ўйин вақтини сунъий равишда чўзганлиги учун унга сариқ карточка кўрсатилгани аниқланди.

Қарор: огоҳлантириш. Бу каби ҳолат такрор содир этилган тақдирда жарима интизом чораси қўлланилиши ҳақида огоҳлантирилсин

“Насаф” – “Сурхон”

Суперлига 4-тури доирасидаги “Насаф” – “Сурхон” учрашуви ҳакамидан билдирги келиб тушган, унга кўра учрашувнинг 90+4-дақиқасида “Сурхон” футбол клуби футболчиси Нодирхон Неъматхонов ўйин вақтини сунъий равишда чўзганлиги учун унга сариқ карточка кўрсатилгани аниқланди.

Қарор: жарима интизом чораси

“Андижон” – “Машъал”

Суперлига 4-тури доирасидаги “Андижон” – “Машъал” учрашуви ҳакамидан билдирги келиб тушган, унга кўра учрашувнинг 12-дақиқасида “Машъал” футбол клуби футболчиси Иброҳим Ғанихонов тўп учун курашда, катта тезликда ҳаракатланиб, рақиб футболчисига тирсаги билан зарба бергани учун қизил карточка кўрсатилгани аниқланди.

Қарор: Тартиб-интизом кодексининг 62-моддасига асосан “Машъал” футбол клуби футболчиси Иброҳим Ғанихоновга нисбатан 2 та ўйинга четлаштириш (дисквалификация) интизом чораси қўлланилсин.