УЕФА Италияни 2032 йилги Европа футбол чемпионатини ўтказиш ҳуқуқидан маҳрум қилиш билан таҳдид қилмоқда.

Италия 2032 йилги футбол бўйича Европа чемпионатини ўтказиш ҳуқуқидан маҳрум бўлиши мумкин. Бу ҳақда Европа футбол ассоциациялари иттифоқи (УЕФА) президенти Александр Чеферин «Gazzetta dello Sport» нашрига берган интервьюсида айтиб ўтди.

Унинг таъкидлашича, агар Италия расмийлари спорт иншоотларини модернизация қилмаса ва асосий муаммоларни ҳал қилмаса, шундай бўлиши мумкин.

«Италия сиёсий раҳбарлари, эҳтимол, ўзларидан нима учун Италия Европадаги энг ёмон футбол инфратузилмаларидан бирига эга эканлигини сўрашлари керак. «Евро-2032» режалаштирилган ва ўтказилади. Умид қиламанки, инфратузилма тайёр бўлади. Акс ҳолда, турнир Италияда ўтказилмайди», — дейди Чеферин.

Футбол бўйича Европа чемпионати УЕФА миллий жамоалари ўртасида ҳар тўрт йилда бир марта ўтказиладиган турнир ҳисобланади. «Евро-2032» тарихда биринчи марта 32 жамоа иштирок этадиган турнир бўлиши кутилмоқда, агар УЕФА уни 24 жамоа билан ўтказишга қарор қилмаса.

2023 йил 10 октябрь куни Швейцариянинг Ньон шаҳрида бўлиб ўтган УЕФА конгрессида турнир икки мамлакатда — Италия ва Туркияда ўтказилиши эълон қилинганди.