UEFA Italiyani 2032-yilgi Yevropa futbol chempionatini oʻtkazish huquqidan mahrum qilish bilan tahdid qilmoqda.

Italiya 2032-yilgi futbol boʻyicha Yevropa chempionatini oʻtkazish huquqidan mahrum boʻlishi mumkin. Bu haqda Yevropa futbol assotsiatsiyalari ittifoqi (UEFA) prezidenti Aleksandr Cheferin “Gazzetta dello Sport” nashriga bergan intervyusida aytib oʻtdi.

Uning taʼkidlashicha, agar Italiya rasmiylari sport inshootlarini modernizatsiya qilmasa va asosiy muammolarni hal qilmasa, shunday boʻlishi mumkin.

“Italiya siyosiy rahbarlari, ehtimol, oʻzlaridan nima uchun Italiya Yevropadagi eng yomon futbol infratuzilmalaridan biriga ega ekanligini soʻrashlari kerak. «Yevro-2032” rejalashtirilgan va oʻtkaziladi. Umid qilamanki, infratuzilma tayyor boʻladi. Aks holda, turnir Italiyada oʻtkazilmaydi», — deydi Cheferin.

Futbol boʻyicha Yevropa chempionati UEFA milliy jamoalari oʻrtasida har toʻrt yilda bir marta oʻtkaziladigan turnir hisoblanadi. “Yevro-2032” tarixda birinchi marta 32 jamoa ishtirok etadigan turnir boʻlishi kutilmoqda, agar UEFA uni 24 jamoa bilan oʻtkazishga qaror qilmasa.

2023-yil 10-oktyabr kuni Shveysariyaning Nyon shahrida boʻlib oʻtgan UEFA kongressida turnir ikki mamlakatda — Italiya va Turkiyada oʻtkazilishi eʼlon qilingandi.