Трамп Эрон АҚШнинг кўплаб талабларини бажаришга тайёрлигини маълум қилди
Америка етакчиси Дональд Трамп Эрон раҳбарияти АҚШ талабларининг катта қисмини бажаришга тайёрлигини билдираётганини айтди. Унинг сўзларини ТАСС келтирмоқда.
Республикачидан АҚШ Эронга низони тугатиш бўйича 15 банддан иборат режа юборганми-йўқми, деб сўрашди.
— Улар аксарият бандлар бўйича бизга ён босишди. Нима учун улар буни қилмаслиги керак? Улар бизнинг режамизга рози бўлишмоқда. Мен шуни назарда тутяпманки, биз улардан 15 та нарсани сўрагандик, — деб жавоб берди АҚШ Президенти журналистларга.
Америка етакчисининг таъкидлашича, Теҳрон ушбу талабларнинг асосий қисмини бажаришга рози.
— Менимча, Эрон билан келишув тузилади. Бу яқин орада юз бериши мумкин. Биз улар билан битим имзолаймиз деб ўйлайман ва бунга тўлиқ ишонаман. Лекин бу амалга ошмаслиги ҳам мумкин, — дея қўшимча қилди у.
Шунингдек, Америка етакчиси Эронда амалда ҳокимият алмашганига (режим ўзгарганига) ишонч билдирди.
— Мен буни режим ўзгариши деб ҳисоблаган бўлардим. Ва ростини айтсам, улар ўзларини жуда оқилона тутишмоқда, — деди у Эрон вакиллари ҳақида гапирар экан.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Тошкентда қиличбозликнинг сабля йўналиши бўйича Жаҳон кубоги босқичи старт олди
- «Дронлар дуэли» ёхуд Украинадан Эронгача бўлган синов полигонларида шаклланган янги дунё тартиби
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг