Бангкокдаги ЙТҲда Ўзбекистон фуқароси ҳалок бўлди
Фото: «Дунё»
Бугун, 18 март куни Таиланднинг Бангкок шаҳрида автобус иштирокида содир бўлган йўл-транспорт ҳодисаси оқибатида бир нафар Ўзбекистон фуқароси ҳалок бўлди. Бу ҳақда «Дунё» ахборот агентлиги хабар берди.
Қайд этилишича, Бангкок шаҳрида юз берган автоҳалокатда бир нафар ўзбекистонлик шахс оғир тан жароҳат олиши натижасида воқеа жойида вафот этган. Шунингдек, турли тан жароҳати олган яна уч нафар Ўзбекистон фуқаросига тезкор тиббий ёрдам кўрсатилиб, шифохонадан жавоб берилган.
Ташқи ишлар вазирлиги Консуллик-ҳуқуқий департаменти маълумотига кўра, вазият алоҳида назоратга олинган. Ўзбекистоннинг Таиланддаги дипломатик ваколатхонаси ходимлари томонидан фуқароларимизга керакли тартибда барча зарур ёрдам кўрсатилмоқда.
Билдирилишича, марҳумнинг яқинлари билан алоқа ўрнатилиб, ҳозирги вақтда жасадни Ватанга олиб келиш чоралари кўрилмоқда.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Тошкентда қиличбозликнинг сабля йўналиши бўйича Жаҳон кубоги босқичи старт олди
- «Дронлар дуэли» ёхуд Украинадан Эронгача бўлган синов полигонларида шаклланган янги дунё тартиби
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг