Тошкентда ўпирилиб тушган туннель йўли вақтинча ёпилди
Фото: Тошкент шаҳар ҳокимлиги
Аввалроқ Тошкент шаҳрининг Мирзо Улуғбек туманида Темур Малик ва Буюк ипак йўли кўчалари кесишмасидаги янги туннель йўли деворининг бир қисми ўпирилиб тушгани ҳақида хабар берилган эди. Пойтахт ҳокимлиги ҳодиса ортидан ушбу йўлнинг бир қисми вақтинча ёпилишини маълум қилди.
Қайд этилишича, йўл ҳаракати хавфсизлигини таъминлаш ҳамда зарур техник ишларни амалга ошириш мақсадида Темур Малик кўчасининг Мирзо Улуғбек кўчаси билан кесишмасидан Султония кўчаси кесишмасигача бўлган қисми барча автотранспорт воситалари ҳаракати учун вақтинча ёпилади.
Шу ўринда, Буюк Ипак йўли кўчаси бўйлаб ҳаракатланиш чекланмайди, бироқ Буюк Ипак йўли кўчасидан Темур Малик кўчасига тушиш-чиқиш йўллари вақтинча ёпилади. Билдирилишича, ушбу чекловлар ишлар тўлиқ якунлангунга қадар амал қилади.
Шу муносабат билан ҳайдовчилардан йўналишларни олдиндан режалаштириш, вақтинча ўрнатилган йўл белгиларига ҳамда масъул хизматлар ходимлари кўрсатмаларига қатъий риоя этиш сўралган. Ҳокимлик, шунингдек, ҳаракат қайта тикланиши ҳақида қўшимча ахборот берилишини қўшимча қилган.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Тошкентда қиличбозликнинг сабля йўналиши бўйича Жаҳон кубоги босқичи старт олди
- «Дронлар дуэли» ёхуд Украинадан Эронгача бўлган синов полигонларида шаклланган янги дунё тартиби
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг