Видеодан кадр

Тошкент шаҳрида «Mercedes-Benz» (Gelendvagen) русумли автомобилни катта тезликда ҳайдаган йигит ва унинг шериги 15 суткага қамалди. Бу ҳақда ЙҲХБ ахборот хизмати раҳбари Зойир Йўлдошев хабар берди.

Билдирилишича, ҳолат 9 мартга ўтар кечаси Сергели тумани ҳудудида содир этилган. И.К. ва Ш.А. Файзий кўчасида «Mercedes-Benz» машинасига ноқонуний равишда «мигалка» мосламаларини ўрнатиб олиб, бир ҳолатда 210, яна бир ҳолатда 222 километр соатдан ошиқроқ тезликда ҳаракатланган ҳамда йўл ва жамиятда юриш-туриш қоидаларини қўпол равишда бузган. Бу ҳам етмагандек, улар ҳолатни видеога олиб уни Instagramʼдаги саҳифасига жойлаган.

Бошқармага кўра, уларга нисбатан тегишли тартибда маъмурий баённома расмийлаштирилиб, автомашина вақтинча сақлаш учун жарима майдончасига жойлаштирилган. Шундан сўнг қоидабузарлар билан профилактик суҳбат олиб борилган. Содир этган ҳаракатларининг ҳуқуқий ва маънавий аҳамияти тушунтирилган ва қонуний чора кўриш учун ҳужжатлар расмийлаштирилиб, суд органларига тақдим этилган.

Жиноят ишлари бўйича Чилонзор туман судининг қарори билан, уларининг ҳар иккисига нисбатан Маъмурий жавобгарлик тўғрисидаги кодекснинг 183-моддасига (Майда безорилик) асосан 15 суткадан маъмурий қамоқ жазоси тайинланган.