Хилола Умарова Мактабгача ва мактаб таълими вазири ўринбосари этиб тайинланди

10:24 17 Февраль 2026 Жамият
297 0

Кеча, 16 февраль куни Хилола Умарова бошқа ишга ўтиши муносабати билан Ўзбекистон Республикаси Президенти Администрацияси раҳбарининг таълимни ислоҳ қилиш бўйича ўринбосари лавозимидан озод этилгани ҳақида хабар берилган эди.

Ўзбекистон Республикаси Президентининг бугун, 17 февраль куни эълон қилинган қарори билан Хилола Уктамовна Умарова Ўзбекистон Республикаси мактабгача ва мактаб таълими вазирининг педагогик таълимни ривожлантириш масалалари бўйича ўринбосари — Низомий номидаги Ўзбекистон миллий педагогика университети ректори лавозимига тайинланди.

Умарова 2025 йил июлидан Президент фармони билан Президент Администрацияси раҳбарининг таълимни ислоҳ қилиш бўйича ўринбосари лавозимида ишлаб келаётган эди. Унга қадар эса 2022 йил декабридан Мактабгача ва мактаб таълими вазири сифатида фаолият юритган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер