Хоразмда қарийб 20 кг симобни ноқонуний сотган шахс ушланди

17:28 16 Февраль 2026 Жамият
810 0

Хоразм вилояти Янгиариқ туманида қарийб 20 килограмм симобни ноқонуний сотишга бўлган уриниш фош этилди, деб хабар бермоқда вилоят божхона бошқармаси.

Маълум қилинишича, бошқарманинг Контрабандага қарши курашиш шуъбаси ходимлари томонидан Янгиариқ туманида тезкор тадбир ўтказилган. Тадбир давомида Хива шаҳрида яшовчи фуқаро шартли харидорга 4 дона шиша идишларда сақланган, оғирлиги сал кам 20 кг бўлган симоб моддасини жами 5 минг долларига сотаётган вақтида тўхтатиб қолинган.

Билдирилишича, айни пайтда мазкур ҳолат юзасидан терговга қадар текширув ҳаракатлари олиб борилмоқда.

Маълумки, симоб моддаси хавфли юклар тоифасига киради ҳамда уни ташиш, сақлаш ва муомалага киритиш махсус тартиб ҳамда рухсатнома асосида амалга оширилади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер