Мадагаскарда «Гезани» циклони оқибатида 30 нафардан ортиқ киши ҳалок бўлди
ТАСС хабар беришича, «Гезани» циклони Мадагаскар ҳудудидан ўтиши оқибатида камида 31 нафар киши ҳалок бўлган, яна 36 киши турли даражада жароҳат олган.
Мадагаскарнинг шарқий соҳилидаги 16 та туманда жабрланганлар сони 250 минг нафардан ошган. Етти мингга яқин фуқаро ўз уй-жойини тарк этишга мажбур бўлган.
Циклон натижасида 17 мингдан ортиқ турар жой бутунлай вайрон бўлган, яна 36 мингга яқин бино шикастланган, қарийб 11 мингта иншоотни сув босган.
Эпицентрида шамол тезлиги соатига 250 километргача етган «Гезани» циклони шарқий соҳилда жойлашган Туамасина шаҳрининг 80 фоиздан ортиқ қисмини вайрон қилган. Ҳозирда циклон Мадагаскар ҳудудини тарк этган ва Мозамбик бўғози томон йўналган.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Фарғонада Наврўз: тинч-осойишта ҳаёт завқи, дориламон кунлар шукронаси...
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Марказий Осиёнинг интеллектуал меросини улуғлашда янги босқич Тошкентда бошланмоқда — The Washington Post
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг