Ҳиндистонда тунги клубда юз берган ёнғинда 25 киши ҳалок бўлди
Ҳиндистоннинг Гоа штатидаги Бага соҳилида жойлашган тунги клубда тун ярмида рўй берган ёнғин оқибатида 25 киши ҳалок бўлди. Бу ҳақда “The Indian Express” нашри хабар берди.
Полиция маълумотига кўра, ёнғин “Birch by Romeo Lane” номли тунги клубнинг ошхона қисмида юз берган бўлиб, газ баллони портлаши асосий сабаб сифатида кўрилмоқда. Ҳодиса жойига зудлик билан ўт ўчириш машиналари жалб этилган, қутқарув ишлари якшанба тонгига қадар давом этган.
Ҳалок бўлганларнинг аксарияти клуб ходимлари бўлиб, жасадларнинг кўп қисми ошхона ҳудудидан топилган. Икки нафар марҳум эса зинапояда бўлгани аниқланган.
Гоа полиция бошлиғи Алок Кумарнинг таъкидлашича, ёнғин назоратга олинган, аммо аниқ сабаблар ҳали ўрганилмоқда. Шу билан бирга, Гоа бош вазири Прамод Саванти ҳодисани “ҳаммамиз учун оғир кун” деб атаб, ҳалок бўлганларнинг қариндошларига таъзия билдирди ва воқеа жойини кўздан кечирганини маълум қилди.
Ҳозирда полиция махсус гуруҳи ва туман идоралари ҳодиса юзасидан тергов олиб бормоқда.
Тавсия этамиз
Кўп ўқилганлар
- Тошкент вилоятида Абдулла Орипов уй-музейи очилди
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Фарғонада Наврўз: тинч-осойишта ҳаёт завқи, дориламон кунлар шукронаси...
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг