Botir MADIYOROV/“Xalq soʻzi”. Markaziy Fargʻona hududida joylashgan Yozyovon tumanida keyingi yillarda eksportbop, jahon bozorida xaridorgir mahsulotlar yetishtirish boʻyicha oʻziga xos tajriba maktabi yaratilmoqda.

Bu borada asosiy maqsad aholining doimiy daromad manbaini oshirish hamda kambagʻallikni qisqartirishga qaratilayotgani eʼtiborga loyiq.

Erta bahorda tuman hokimligi tashabbusi bilan qishloq xoʻjaligi ekini – moshni Xitoyga eksport qilish bilan shugʻullanuvchi “Besoft Export” MCHJning bir sexi Yozyovonga olib kelindi. Navbahor qishlogʻida ish boshlashi uchun barcha sharoit yaratib berildi..

— Shu tariqa tadbirkor fermer xoʻjaliklari bilan gʻalladan boʻshagan 2450 gektar maydonda maxsulot yetishtirish boʻyicha shartnomalar tuzib, mosh urugʻi yetkazib berdi, — deydi Yozyovon tumani hokimi oʻrinbosari Mirzoanvar Pirmatov. — Ayni kunlarda MCHJ mutaxassislari tomonidan hosilni yigʻib olish ishlari tashkil etilib, 1 kg mosh uchun 11 soʻmdan pul toʻlanmoqda.

Oʻzaro kelishuv asosida tumanda yetishtirilgan mosh Xitoyga eksport qilinmoqda.