Illyustrativ foto

Turkiyaning 25 ming aholisi boʻlgan shaharchasi 20 tonnalik giyohvand modda yoqilishi oqibatida beixtiyor mast boʻlib qoldi. Holat toʻgʻrisida xabarlar ijtimoiy tarmoqlar va mahalliy OAVlarda tarqalgan.

18-aprel kuni Turkiyaning Diyarbakir viloyati “Lice” shaharchasida politsiya tomonidan musodara qilingan 20 tonna nashani yoʻq qilish operatsiyasi oʻtkazilgan. Ammo giyohvand modda yoqilishi oqibatida yuzga kelgan tutun 25 mingga yaqin aholisi boʻlgan shaharcha ustiga yopirilgan va bir necha kun davomida saqlanib turgan.

Hodisa oqibatida aholi orasida turli sogʻliq muammolari kelib chiqqan. Tutun odamlarda kuchli bosh aylanishi, koʻngil aynishi, gallyutsinatsiyalar va mastlikni keltirib chiqargan.

“Tamaki tutuni yopiq joylarda passiv chekuvchilarga zarar yetkazganidek, bu giyohvand moddalarni yoqish tutuni ham jiddiy noqulaylik keltirib chiqaradi”, degan “Green Star” uyushmasi prezidenti Yahyo Oger.

Keng tarqalgan taʼsirga qaramay, rasmiy shikoyatlar berilmagan. Ammo aholi sogʻligʻi bilan bogʻliq muammolar haqida ommaviy axborot vositalari va mahalliy tashkilotlar xabar berishda davom etmoqda.