Arxiv foto

Donald Tramp AQSH asosiy tahdid deb hisoblagan Moskva — Pekin ittifoqini zaiflashtirish uchun Vladimir Putin bilan yaqinlashishga harakat qilmoqda. Bu haqda “The Wall Street Journal” nashri yozmoqda. Maʼlumki, Ukrainadagi urush boshlanganidan buyon Rossiya yanada Xitoyga bogʻlanib qoldi.

AQSH Ukrainadagi urushning tez tugashi Rossiyaning Xitoy, Eron va Shimoliy Koreya bilan aloqalarini susaytiradi, deb hisoblaydi. Ushbu mamlakatlar allaqachon Moskvaga qurol-yarogʻ, dronlar va raketalar bilan yordam bermoqda. Hatto Phenyan harbiy xizmatchilarini Rossiyaga joʻnatdi. AQSH davlat kotibi Marko Rubioning soʻzlariga koʻra, Vashington Rossiyani Gʻarb bilan hamkorlikka qaytarishni xohlaydi, chunki Moskva bilan geosiyosiy hamkorlik aql bovar qilmaydigan imkoniyatlarni ochishi mumkin. Biroq, mutaxassislar ushbu rejaning muvaffaqiyatiga shubha qilishadi. Germaniyaning AQSHdagi sobiq elchisi Volfgang Ishingerning fikricha, Xitoy va Rossiya oʻrtasidagi tafovut ehtimoldan yiroq emas.

“Xitoy oʻz taʼsirini kuchaytirmoqda va Trampdan keyingi prezident qanday siyosat yoʻlini tanlashini hech kim bilmaydi. Putin quruq vaʼdalarga ishonmaydi”, dedi u “Bild” nashriga bergan intervyusida. Bundan tashqari, Xitoy va Rossiyaning oʻzi AQSH va Yevropa oʻrtasidagi boʻlinishdan manfaatdor.