Termizga toza ichimlik suvi yetkazildi
Davlatimiz rahbari tashabbusi bilan amalga oshirilayotgan “Toʻpalang suv ombori suvidan foydalanish hisobiga Surxondaryo viloyati suv taʼminotini yaxshilash” loyihasi doirasidagi ishlar samarasi oʻlaroq, toza ichimlik suvi Termiz shahriga yetkazildi.
Loyiha doirasida 44,7 kilometr suv tarmogʻi tortilib, hajmi 10 ming kub metr boʻlgan yangi rezervuar barpo etildi. Natijada Termizning 20 ta mahallasida yashovchi 113 ming nafar aholining ichimlik suvi taʼminoti keskin yaxshilandi.
Umumiy jarayonda 245,9 kilometr tarmoq oʻrnatilib, 8 ta suv saqlash hovuzi qurildi. Loyihaning birinchi bosqichida 135 ming, ikkinchi bosqichida esa Oltinsoy va Bandixon tumanlarida 86 mingdan ziyod aholi toza ichimlik suviga ega boʻldi. Qoʻshimcha tarmoqlarning ishga tushirilishi natijasida yana 69 ta mahalladagi 193 ming aholining suv taʼminoti yaxshilandi.
Mazkur mega loyihani toʻliq yakunlash ishlari hozirda jadal surʼatlarda davom etmoqda.
Farhod ESONOV, “Xalq soʻzi”.
Tavsiya etamiz
Ko‘p o‘qilganlar
- Alisher Navoiy – ilm va maʼno ehtiyoji manbai
- Investorlar uchun eng jozibador hudud yoxud investitsiya oqimidagi keskin tafovutning sabab va oqibatlari
- Ilm-fan sohasida xotin-qizlarga yaratilgan imkoniyatlarga bagʻishlangan anjuman
- Oʻzbekistonda inson aʼzolarini 3D bioprinterda chop etish imkoniyati yaratilmoqda
- Bedilni xalqqa tanitgan xattot
- Milliy naqshlarda oʻzligimiz namoyon
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring