Foto: Xalq so‘zi

Orolboʻyi hududlarini ijtimoiy-iqtisodiy kompleks rivojlantirishni jadallashtirish maqsadida Qoraqalpogʻiston Respublikasi tumanlari tegishli viloyatlarga biriktirilganidan xabaringiz bor.

Jumladan, Xorazm viloyati tomonidan Shumanay tumanida keng qamrovli bunyodkorlik va obodonlashtirish ishlarini amalga oshirish maqsadida ishlab chiqilgan “yoʻl xaritasi” asosida qator loyihalar roʻyobga chiqarilmoqda.

Kuni kecha tumanning «Birleshik» ovul fuqarolar yigʻinida Xorazm viloyati mahalliy byudjetidan ajratilgan 1,7 milliard soʻm mablagʻ hisobiga zamonaviy maktabgacha taʼlim tashkiloti qurilib foydalanishga topshirildi.

Yangi MTTda bolajonlarning zamon talablari asosida taʼlim-tarbiya olishi uchun barcha sharoit yaratilgan. Ovulda mazkur muassasaning ish boshlashi natijasida tumanda bogʻcha yoshidagi bolalarning maktabgacha taʼlimga qamrov darajasi 90 foizga yetdi.

Shu munosabat bilan oʻtkazilgan tadbirda Xorazm viloyat hokimi Farhod Ermanov, Qoraqalpogʻiston Respublikasi Vazirlar Kengashi raisi Qahramon Sariyev ishtirok etdi.

Odilbek Odamboyev, “Xalq soʻzi”.