Rossiya federatsiyasining turli hududlarida qarovsiz qolib ketgan 31 nafar bola Oʻzbekistonga qaytarildi. Bu haqda Bolalar ombudsmani matbuot xizmati xabar berdi.

Maʼlum qilinishicha, Oliy Majlisning Bola huquqlari boʻyicha vakili (Bolalar ombudsmani) oʻzining xorijiy hamkasbi — Rossiya Federatsiyasi Bolalar ombudsmani M.Lvova-Belovaga yuborgan soʻrovida qarovsiz qoldirilgan voyaga yetmagan bolalarni hozirda Oʻzbekiston Respublikasiga qaytarish choralari koʻrilayotganligi, Oʻzbekiston masʼul idoralari (IIV, TIV) tomonidan bolalarni vatanga qaytarilgunga qadar, ularni hozirda RFda yashab turgan hududlaridagi bolalar muassasalarida vaqtincha joylashtirilishida tezkor amaliy yordam soʻragan.

Shu tariqa, 25-avgust kuni 9 nafar bola, bundan avval 22 nafar bola (13 nafari — Sankt-Peterburg shahridan, 9 nafari — Moskva shahridan, 8 nafari — Novosibirsk shahridan, 1 nafari — Qozon shahridan olib kelingan) Ichki ishlar vazirligi vakillari tomonidan yurtimizga qaytarildi.

“Fursatdan foydalanib, Bolalar ombudsmani bola manfaatlarini taʼminlash yoʻlidagi tezkor hamkorligi uchun RF Bolalar ombudsmaniga oʻz minnatdorligini bildiradi va oʻzaro konstruktiv hamkorligini davom ettiradi”, deyiladi xabarda.

Avvalroq, Eldor Shomurodov “Roma”ning mavsumdagi debyut golini urgandi.