Foto: Chempionat.com

Krishtianu Ronaldu “Yevro-2024”da imkoniyatlardan foydalanishning eng yomon koʻrsatkichini koʻrsatmoqda. Portugaliyalik gol kutilmasida -2.9 (deyarli 3 ta gol)ni yoʻqqa chiqardi.

Jamoasi bilan chorak finalga chiqqan Krishtianu nim-chorakda Sloveniya jamoasi darvozasiga belgilangan penaltini ura olmadi va bu unga antirekord oʻrnatishga yetarli boʻldi. Penaltini ura olmagan Ronaldu oʻyin soʻnggida oʻz xatosini yuvdi va jamoasi bilan chorak finalga chiqdi.

Portugaliya ushbu bosqichda Mbappe boshchiligidagi Fransiya toʻsigʻini yengishiga toʻgʻri keladi.

Ushbu antirekordda “Top 10” futbolchilar quyidagi koʻrinishda:

1. Krishtianu Ronaldu (-2,9);

2. Romelu Lukaku (-2,3);

3. Kay Havertz (-2);

4. Lamin Yamal (-1,8);

5. Aleksandr Mitrovich (-1,8);

6. Antuan Grizmann (-1,6);

7. Kilian Mbappe (-1,5);

8. Ante Budimir (-1,4);

9. Rasmus Xaylund (-1,4);

10. Bruno Petkovich (-1,3).

Lionel Messi hozirda Argentina bilan “Copa America” musobaqasida ishtirok etmoqda va u ham Ronaldu singari hali turnirda birorta gol ura olmadi.

Avvalroq, ikki musobaqada ham chorak final juftliklari va oʻyin vaqtlarini xabar qilgandik.