Qoʻrgʻontepada talabalar avtobusi harakatlana boshladi
Foto: Xalq so‘zi
Andijon shahridagi oliygohlarda tahsil oluvchi qoʻrgʻontepalik talabalar endi uyidan oʻqish joyiga, oʻqishdan esa uyiga bepul qatnashlari mumkin. Qoʻrgʻontepa tumani hokimligi tashabbusi bilan boshlangan yangi loyihaga binoan 11 ta avtobus ajratildi. Ular haftaning shanba kuni talabalarni tumanning 8 ta manziliga, yakshanba kuni esa viloyat markazidagi yotoqxonalarga eltib qoʻyadi.
— Bundan, ayniqsa, ota-onalar minnatdor, - deydi Qorasuv shahrida istiqomat qiluvchi Oyxon Abdurazzoqova. — Qizim Andijon davlat universitetida oʻqiydi. Qish mavsumida yoʻl narxining oshgani kamlik qilgandek, transport vositasining yetishmasligi katta muammoga aylanayotgan edi. Farzandim uydan chiqib, oʻqish joyiga yetib borguniga qadar jonim halak boʻlardi. Shukr, endi xotirjamman. Sababi, avtobus oʻz vaqtida harakatlanishi bilan bir qatorda farzandlarimizga moddiy jihatdan ham nafi tegmoqda.
Talabalar avtobusi kecha ilk harakatni amalga oshirdi.
Saminjon HUSANOV, “Xalq soʻzi”.
Tavsiya etamiz
Ko‘p o‘qilganlar
- “Oʻtgan bahsda konsentratsiya biroz joyida emas edi. Shu sababli “jinnicha” xatolarga yoʻl qoʻydik” — Fabio Kannavaro
- AQSH mudofaa xarajatlari tufayli NATO boʻyicha ittifoqchilarini himoya qilishdan voz kechishi mumkin
- Ben Kingsli ishtirok etgan Islom sivilizatsiyasi markazi haqidagi film New York Festivals 2026 finaliga yoʻl oldi
- Shavkat Mirziyoyev Saudiya Arabistoni Podshohligi Valiahdi Muhammad bin Salmon Ol Saud bilan telefon orqali muloqot qildi
- Toshkentda qilichbozlikning sablya yoʻnalishi boʻyicha Jahon kubogi bosqichi start oldi
- “Dronlar dueli” yoxud Ukrainadan Erongacha boʻlgan sinov poligonlarida shakllangan yangi dunyo tartibi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring