Qiziltepa tumani FVB boshligʻi pora bilan ushlandi
Videodan kadr
Navoiy viloyati Qiziltepa tumani Favqulodda vaziyatlar boʻlimi boshligʻi pora olayotganida qoʻlga olindi. Bu haqda Davlat xavfsizlik xizmati xabar berdi.
Qayd etilishicha, FVB boshligʻi oʻz xizmat mavqeidan foydalangan holda, my.gov.uz yagona interaktiv davlat xizmatlari portali orqali kelib tushgan murojaatga asosan, tumandagi savdo va maishiy xizmat koʻrsatish kompleksining yongʻin xavfsizligi talablariga muvofiqligi haqida ijobiy xulosa berish evaziga 3 ming dollar talab qilgan.
Davlat xavfsizlik xizmati xodimlari tomonidan oʻtkazilgan tezkor tadbirda mazkur mansabdor shaxs ushbu pul mablagʻini oʻzining xizmat xonasida olgan vaqtida ushlangan.
Hozirda unga nisbatan Jinoyat Kodeksining 210-moddasi 1-qismi bilan jinoyat ishi qoʻzgʻatilib, “qamoq” ehtiyot chorasi qoʻllanilgan.
Avvalroq Jizzax viloyatining Sharof Rashidov tumani hokimi pora bilan qoʻlga olingani, shundan soʻng unga nisbatan jinoyat ishi qoʻzgʻatilib, deputatlik daxlsizlik huquqidan mahrum qilingani haqida xabar berilgan edi.
Tavsiya etamiz
Ko‘p o‘qilganlar
- AQSH va Britaniya Suriya muvaqqat prezidenti Axmad ash-Sharʼani “qora roʻyxat”dan chiqardi
- G20 sammitining Janubiy Afrikada oʻtkazilishi sharmandali holat – Tramp
- Mashinada xavfsizlik kamarini taqish mumkin boʻlmagan kasalliklar roʻyxati tasdiqlanadi
- Oʻzbekiston U-17 terma jamoasi Jahon chempionatidagi ikkinchi oʻyinida magʻlub boʻldi
- Oʻzbekiston milliy terma jamoasining xalqaro musobaqa uchun qaydnomasi eʼlon qilindi
- “Doha — Qatarning yuragi, tungi ritmda urib turgan shahar”
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring