Arxiv surat

2024-yilning 30-aprel kuni Oʻzbekiston Respublikasi Prezidentining «Oʻzbekiston Respublikasi Prezidentining ayrim hujjatlariga oʻzgartirishlar kiritish toʻgʻrisida»gi Farmoni qabul qilindi.

Hujjatga koʻra, 2024-yilning 1-mayidan boshlab minimal isteʼmol xarajatlari 648 ming soʻm miqdorda belgilanganligi sababli quyidagi pensiyalarning miqdori oshirildi:

-ish staji toʻliqsiz chogʻdagi yoshga doir pensiyaning eng kam miqdori – oyiga 648 ming soʻm;

-boquvchisini yoʻqotganlik pensiyasi oluvchi bir nafar mehnatga qobiliyatsiz oila aʼzosi uchun pensiyaning eng kam miqdori – oyiga 648 ming soʻm etib belgilandi.

Buning natijasida 751 ming nafar yoshga doir va 110 ming nafar boquvchisini yoʻqotganlik pensiyalarini oluvchi fuqarolarning pensiyalari minimal isteʼmol xarajatlari miqdoriga yetkaziladi.

Pensiyalarni oshirish uchun Pensiya jamgʻarmasi mablagʻlari hisobidan 180 млрд.сўм qoʻshimcha mablagʻlar ajratiladi.

Yuqoridagi miqdorda pensiya oluvchilarga pensiyalar joriy yilning may oyidan yangi miqdorda toʻlanadi.