“Oʻzmetkombinat”ga yangi rahbar tayinlandi
Foto: O‘zmetkombinat
Dilshod Tursunqulovich Ahmedov “Oʻzbekiston metallurgiya kombinati” aksiyadorlik jamiyatiga yangi rahbar qilib tayinlandi. Bu haqda kombinat matbuot xizmati xabar berdi.
Qayd etilishicha, mazkur tayinlov joriy yilning 12-oktyabr kuni kombinat Kuzatuv kengashi raisi, bosh vazir Abdulla Aripov raisligida oʻtkazilgan yigʻilishda eʼlon qilingan.
“Yaqin orada Dilshod Ahmedovning tayinlanishi “Oʻzmetkombinat” kuzatuv kengashi va aksiyadorlari tomonidan ham tasdiqlanishi kutilmoqda”, deyiladi xabarda.
Ahmedov 1972-yilda tugʻilgan. I.M.Gubkin nomidagi Rossiya davlat neft va gaz universiteti bitiruvchisi hisoblanadi. Shuningdek, Moskva “Skolkovo” boshqaruv maktabida oʻqigan.
2021-yil yanvaridan “Oʻzmetkombinat” aksiyadorlik jamiyati boshqaruvi raisining birinchi oʻrinbosari sifatida, 2024-yil yanvardan esa Investitsiyalar, sanoat va savdo vaziri oʻrinbosari lavozimida ishlagan.
Dilshod Ahmedov 2021-yildan beri ushbu lavozimda ishlab nafaqaga chiqqan Rashid Husanovich Pirmatovning oʻrniga tayinlandi.
Tavsiya etamiz
Ko‘p o‘qilganlar
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- Kambagʻallikni qisqartirish: pul emas, aql-idrok va bilim muhim
- Oʻzbekistonda xotin-qizlarga nisbatan raqamli zoʻravonlikka barham berish boʻyicha 16 kunlik kampaniya boshlandi
- “Inson Faxri” milliy mukofoti sohiblari taqdirlandi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring