O’zbekiston Respublikasi Prezidentining "Aholiga tibbiy xizmat ko'rsatish sifatini yaxshilash va sog'liqni saqlash sohasida kadrlar salohiyatini yanada oshirishga doir qo'shimcha chora-tadbirlar to'g'risida"gi qarori qabul qilindi.

Qarorga muvofiq, 2021-2022-yillarda Moliya vazirligi davlat, tuman (shahar) va viloyat tibbiyot muassasalarining zamonaviy tibbiy asbob-uskunalar xarid qilishi, shuningdek, yetakchi xorijiy tibbiyot muassasalarida o'z mutaxassislarining malakasini oshirishi uchun $100 mln AQSh dollari miqdoridagi kredit mablag’larini ajratadi.

Mablag'lar milliy valyutada 3 yil muddatga, yillik 2 foiz stavka bo'yicha ajratiladi.

Qoraqalpog'iston Respublikasi Vazirlar kengashi, viloyatlar va Toshkent shahar hokimliklari tegishli hududiy sog'liqni saqlash boshqarmalari bilan birgalikda har bir mintaqa va muassasa kesimida tibbiy uskunalarga bo'lgan ehtiyojni aniqlaydilar.

Tibbiy asbob-uskunalar xarid qilish bo'yicha texnik topshiriqlar va tender hujjatlari "Loyihalar va import shartnomalarini kompleks ekspertiza qilish markazi" davlat unitar korxonasida kompleks ekspertizadan o'tkaziladi.

Bundan tashqari, hududlar ma'muriyatlariga hududlardagi tibbiyot muassasalari mutaxassislarining malakasini oshirish uchun markazda kompleks ekspertiza o'tkazish sharti bilan to'g'ridan-to'g'ri shartnomalar tuzishga ruxsat beriladi.