Termiz tumanida ham saylovchilar oʻzlari munosib deb bilgan nomzodlarga ovoz berishmoqda.

Tumanda 64 ming 211 nafar saylovchi boʻlib, shundan 18 yoshga toʻlgan, saylovda ilk marta ishtirok etayotgan yoshlar 877 nafarni tashkil etadi. Siyosiy tadbirda nuroniylar, yoshlar, keng jamoatchilik vakillari, davlat va jamoat tashkilotlari rahbarlari faol ishtirok etishmoqda.

— Men ham mamlakatimizdagi boshqa tengdoshlarim qatori saylovda qatnashib, oʻzim tanlagan nomzodlarga ovoz berdim, — deydi Barchinoy Yoʻldosheva. — Bu jarayondagi ilk ishtirokim hayotimdagi eng quvonchli dam hisoblanib, menda el-yurt kelajagiga boʻlgan daxldorlik tuygʻusini mustahkamladi. Men oʻz kelajagim uchun ovoz berdim.

Saylov uchastkasiga kelolmaydigan, uyda yotib qolgan bemorlar, keksa yoshdagi fuqarolarning xonadonlariga borilgan holda ovoz berishlariga imkon yaratilgan.

Farhod ESONOV

“Xalq soʻzi”