“Osmondagi qiz” badiiy filmi suratga olinadi

22:14 10 Avgust 2022 Madaniyat
823 0

Kinematografiya agentligi buyurtmasiga binoan “Yoshlik” kinostudiyasi DUK tomonidan “Osmondagi qiz” murakkab postanovkali badiiy filmini suratga olishga tayyorgarlik koʻrilmoqda.

Ushbu film poytaxtimizdagi “Tashkent city” majmuasining qurilishi va unda ishtirok etayotgan minorali kran operatori Nargizaning hayot yoʻli haqida hikoya qiladi.

Film postanovachi rejissyori Anvar Madraimov, ssenariy mualliflari Adil Koptan va Yan Milenin, badiiy rahbar Rashid Malikov.

Poytaxtliklar va poytaxt mehmonlarining koʻpchiligi “Tashkent City”ning katta taassurot uygʻotadigan bu qurilishiga qarab, bunchalik ulkan loyihani amalga oshirish naqadar qiyin ekanligi haqida oʻylab koʻrmagan boʻlsa kerak. 

Mislsiz vazifalar va katta mehnat talab etadigan bu maskanda tashabbuskor yoshlar, gʻayratli va mehnatsevar mutaxassislarning fidoyi mehnati mujassam. Film qurilish ishtirokchilarining fidokorligini namoyon etib beradi hamda tomoshabinlarga “Tashkent City”ning asl koʻlamini anglatib, uni toʻliq his etishga yordam beradi.

Shuningdek, film yurtimizda ayollar ham katta muvaffaqiyatlarga erishishi mumkinligini koʻrsatib beradi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер