Ona – yurt madhiga yetari yoʻqdir

11:35 25 May 2024 Madaniyat
1129 0

Foto: «Xalq soʻzi»

Istam IBROHIMOV/«Xalq soʻzi». Kuy – qoʻshiq koʻp. Ular orasida ona – yurt madhiga yetari yoʻq. Zero, bizdan abadiyat qoʻngʻirogʻi boʻlib faqat Vatan qoladi. Oʻzgasi oʻtkinchidir. Buxoro shahridagi Yoshlar markazida oʻtkazilgan «Vatan manzumasi» adabiy-maʼrifiy tadbirini tomosha qilib, shunday fikr koʻngildan kechdi.

Ichki ishlar, Mudofaa, Madaniyat vazirliklari, Yozuvchilar uyushmasi va viloyat hokimligi hamkorligida tashkil etilgan tadbirda mamlakatimiz poytaxtidan kelgan sanʼatkorlar, shoirlar, iqtidorli yoshlar ishtirok etishdi. Anjumanda Erkin Vohidov, Omon Matjon, Halima Xudoyberdiyeva, Usmon Azim, Azim Suyun kabi taniqli shoirlarning ona – yurtni madh etuvchi sheʼrlari yod oʻqildi, Vatan, ona, doʻstlik va tinchlikni tarannum etuvchi kuy – qoʻshiqlar yangradi. Vatanparvarlik, mardlik va jasorat, milliy qadriyatlarni asrab – avaylash, el farovonligi uchun qaygʻurish kabi ezgu fazilat va intilishlar sahna koʻrinishlari orqali namoyish etildi.

– «Vatan manzumasi» ismi jismiga munosib anjuman ekan, – deydi mehnat faxriysi, «El – yurt hurmati» ordeni sohibi Behbud Jumayev. Kuzatganingizdek, tomoshabinlarning aksariyati yoshlardan iborat. Bu yerda oʻqilgan sheʼrlar, yangragan qoʻshiqlar ularning ongu shuurida ona – yurtga mehru muhabbat, sadoqat tuygʻularini singdirishi muqarrar.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер