Oksana Chusovitina sportga qaytdi

10:41 01 Oktyabr 2021 Sport
937 0

Gimnastikachi Oʻzbekiston uchun medalsiz keta olmasligini aytdi.

46 yoshli Oksana Chusovitina sportga qaytishini eʼlon qildi.

“Hammaga aytmoqchimanki, men 2022-yilgi Osiyo oʻyinlariga tayyorgarlik koʻrishga qaror qildim. Men oʻz karyeramni Oʻzbekiston uchun medalsiz tugata olmayman”, - deb yozgan gimnastikachi oʻz Instagram'dagi sahifasida.

Oksana Chusovitina sakkizta Olimpiya oʻyinlaridan keyin olimpiadadagi faoliyatini yakunlagandi.

“Bugun men ham baxtliman, ham baxtsizman, chunki men bu sakrashni qildim. Men finalga chiqdimmi yoki yoʻqmi, muhim emas, lekin men xayrlashdim. Yuragim biroz ogʻrigan boʻlsa-da”, - degan edi Chusovitina.

Eslatib oʻtamiz, avvalroq Oksana Chusovitinaning mahorat maktabi tashkil qilinishi aytilgandi hamda Shavkat Mirziyoyev Oksana Chusovitinani “Oʻzbekistonda xizmat koʻrsatgan sport ustozi” unvoni bilan taqdirlagandi

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?