Navoiyda yana avtobus agʻdarilib ketdi
Videodan kadr
Navoiy viloyati Tomdi tumanida yoʻlovchi avtobusi agʻdarilib ketdi. Viloyat Yoʻl harakati xavfsizligi boshqarmasi axborot xizmati hodisa yuzasidan maʼlumot berdi.
Bildirilishicha, voqea joriy yilning 17-yanvar kuni soat 07:00 larda Tomdi tumani “Tomdibuloq” OFY hududidan oʻtgan A-379 “Navoiy-Uchquduq” xalqaro ahamiyatga molik avtomobil yoʻlining 189-190 kilometrlari oraligʻida yuz bergan.
“Zhong Tong Bus” rusumli avtobus haydovchisi transport vositasini “Navoiy-Zarafshon” yoʻnalishi boʻylab boshqarib kelib, rul boshqaruvini yoʻqotgan va yoʻnalishi boʻyicha yoʻlni qarama-qarshi tomoniga agʻdarilib ketgan.
Qayd etilishicha, hodisa oqibatida ikki nafar fuqaro jabrlangan. Ular Zarafshon shahar tibbiyot boʻlimiga yetkazilgan.
Hozirda holat yuzasidan Jinoyat kodeksining 266-moddasi 1-qismi bilan jinoyat ishi qoʻzgʻatilib, tergov harakatlari olib borilmoqda.
Tavsiya etamiz
Ko‘p o‘qilganlar
- Alisher Navoiy – ilm va maʼno ehtiyoji manbai
- Investorlar uchun eng jozibador hudud yoxud investitsiya oqimidagi keskin tafovutning sabab va oqibatlari
- Oʻzbekistonda inson aʼzolarini 3D bioprinterda chop etish imkoniyati yaratilmoqda
- Bedilni xalqqa tanitgan xattot
- Ilm-fan sohasida xotin-qizlarga yaratilgan imkoniyatlarga bagʻishlangan anjuman
- Oʻzlikni anglash sari muhim qadam: “Milliy qadriyatlar atlasi” kitob-albomi taqdimot qilindi (+video)
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring