Florida universitetida (AQSH) virus mutaxassisi ilgari koʻrilmagan virus turini tasvirlab berdi. Bu kashfiyot mushuk tufayli aniqlandi.

Gap shundaki, Pepper nomli uy hayvoni oʻz egasi, olim Jon Lednikkiga oʻlik kemiruvchi olib keldi. Virusolog uni tekshirish uchun laboratoriyaga yuborishga qaror qildi. Maʼlum boʻlishicha, kemiruvchi (sichqon) jeylongvirus tashuvchisi hisoblanadi.

Jeylongviruslar ilgari Afrika, Osiyo, Yevropa va Janubiy Amerikada aniqlangan. Ular sutemizuvchilar, sudraluvchilar, qushlar va baliqlarga taʼsir qiladi va odamlarda jiddiy kasalliklarga olib kelishi mumkin.

Shu bilan birga, kemiruvchida topilgan virus boshqa maʼlum boʻlgan jeylong viruslaridan genetik jihatdan sezilarli darajada farq qiladi. Virusga Geynsvill kemiruvchi jeylong virusi 1 ilmiy nomi berildi.

Olimlarning taʼkidlashicha, jeylongviruslar hali yetarlicha yaxshi oʻrganilmagan. Oldingi tadqiqotlar shuni koʻrsatdiki, ular nafas olish kasalliklari bilan bogʻliq boʻlgan paramiksovirus turidir.

Mutaxassislar virusning qanchalik keng tarqalishi mumkinligini aniqlash uchun tadqiqot olib borish niyatida. Sichqonni tutgan mushuk Pepper kasallik alomatlarini koʻrsatmadi.