Murod Xontoʻrayev bilan sodir boʻlgan YTH yuzasidan qoʻshimcha maʻlumot berildi

14:02 19 Iyul 2021 Jamiyat
1389 0

Avvalroq, Oʻzbekistonlik MMA jangchisi Murod Xontoʻrayev avtohalokatga uchrab, vafot etgani haqida xabar bergan edik. IIV YHXBB axborot xizmati yoʻl-transport mazkur hodisaga oid qoʻshimcha maʼlumot berdi.

Qayd etilishicha, joriy yilning 19-iyul kuni soat 11:30 larda, Toshkent viloyati, Boʻstonliq tumani hududidan oʻtuvchi 4R-12 avtomobil yoʻlining 68-kilometrida bir yoʻnalishda harakatlanib ketayotgan “Lacetti“ hamda ”BMW X5“ rusumli avtomobillar ishtirokida toʻqnashuv sodir boʻlgan. Toʻqnashuv oqibatida ”BMW X5" rusumli avtomobil yoʻldan chiqib ketib agʻdarilgan.

Natijada, “BMW X5” rusumli avtomobil haydovchisi, 1987-yilda tugʻilgan M.X. voqea joyida vafot etgan va ushbu avtomobil yoʻlovchisi tan jarohati bilan shifoxonaga olib ketilgan.

Mazkur YTH yuzasidan Boʻstonliq tumani IIB huzuridagi TB tomonidan dastlabki surishtiruv harakatlari olib borilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?