Foto: Arxiv surat

Oʻzbekiston Respublikasi Prezidentining Farmoni

Gʻoyat murakkab tarixiy sharoitda faoliyat koʻrsatib, mamlakatimiz va mintaqamizda islom madaniyati va ilm-fanini rivojlantirish, muqaddas dinimizning insonparvarlik mohiyati va ezgu gʻoyalarini el-yurtimizga bezavol yetkazish, buyuk ulamo va mutafakkirlarimizning bebaho ilmiy merosini turli millatlar va elatlar orasida keng targʻib etish borasidagi koʻp yillik ibratli faoliyati, xalqaro miqyosda dinlararo muloqotni yoʻlga qoʻyish, oʻzaro doʻstlik va hamjihatlikni mustahkamlash, jamiyatda ijtimoiy-maʼnaviy muhit barqarorligini taʼminlash ishlariga qoʻshgan ulkan hissasi, diniy va dunyoviy bilimlarni puxta egallagan yetuk mutaxassislarni tayyorlash, yosh avlodni ezgulik va maʼrifat, ona Vatanga muhabbat, milliy va umuminsoniy qadriyatlarga hurmat ruhida tarbiyalash yoʻlidagi yuksak xizmatlari uchun Oʻrta Osiyo va Qozogʻiston musulmonlari diniy boshqarmasining sobiq raisi, muftiy, marhum shayx Ziyovuddinxon ibn Eshon Boboxon “Oliy Darajali Imom Buxoriy” ordeni bilan mukofotlansin.

Oʻzbekiston Respublikasi Prezidenti                Sh.Mirziyoyev