Kelgusi yildan ijtimoiy ahvoli ogʻir xotin-qizlar, chin yetimlar va nogironligi boʻlgan shaxslarga ikkilamchi bozordan ham uy-joy olishlariga imkoniyat yaratiladi

17:11 02 Dekabr 2021 Siyosat
371 0

Prezident Shavkat Mirziyoyev raisligida davom etayotgan yigʻilishda kelgusi yildan ijtimoiy ahvoli ogʻir xotin-qizlar, chin yetimlar va nogironligi boʻlgan shaxslarga ikkilamchi bozordan ham uy-joy olishlariga imkoniyat yaratilishi taʼkidlandi.

Aholiga qulayliklar yaratish maqsadida yangi qurilgan uylar toʻgʻrisidagi maʼlumotlar, ularni rasmiylashtirish, subsidiya va kredit ajratish xizmatlarini bitta joyda koʻrsatish markazlari tashkil etiladi.

“Odamlarimiz qaysi hududda yoki qaysi quruvchida ipoteka shartlariga toʻgʻri keladigan xonadon bor, deb oʻylanib yurmasligi kerak”, dedi davlatimiz rahbari.

Bir oy muddatda poytaxtda kamida 5 ta, viloyatlarda esa 2 tadan hududda barcha xizmatlarni jamlagan markazlar tashkil qilish topshirigʻi berildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?