«Kelgusi besh yilda 8 ming megavattli quyosh va shamol elektr stansiyalarini qurishda qariyb 6 milliard dollarlik butlovchi qism va materiallar xarid qilinadi» — Prezident

18:20 22 Noyabr 2021 Siyosat
595 0

Davlatimiz rahbari huzurida 2022-yilda qayta tiklanuvchi energiyadan foydalanish sohasida davlat-xususiy sheriklik loyihalarini koʻpaytirish chora-tadbirlari yuzasidan yigʻilish boʻlib oʻtmoqda.

Yigʻilishda Prezidentimiz Oʻzbekistonda muqobil energetikani rivojlantirish sohasidagi vazifalarni belgilab berdi:

— 2026-yilga qadar quyosh va shamol elektr stansiyalari umumiy quvvatini 8 ming megavattga yetkazish zarur (avvalgi rejada 8 ming megavatt quvvatni 2030-yilgacha barpo etish belgilangan edi);

— yirik sanoat korxonalari ham oʻz energiya taʼminoti boʻyicha qayta tiklanuvchi energiya manbalarini tashkil etishi uchun zarur sharoitlar yaratish kerak. Xuddi shunday, aholi va tadbirkorlarni qayta tiklanuvchi energiya manbalaridan keng foydalanishini qoʻllab-quvvatlash lozim;

— kelgusi besh yilda 8 ming megavattli quyosh va shamol elektr stansiyalarini qurishda qariyb 6 milliard dollarlik butlovchi qism va materiallar xarid qilinadi. Shu munosabat bilan ularni mahalliylashtirish choralarini koʻrish lozim;

— barpo etiladigan elektr stansiyalariga 1 ming nafardan ziyod muhandis va qariyb 3 ming nafar oʻrta boʻgʻin mutaxassislari talab etiladi. Shuning uchun yil yakuniga qadar Navoiyda qayta tiklanuvchi energiya sohasida kadrlar tayyorlash markazi ishga tushiriladi. Navoiy, Sirdaryodagi oʻquv markazlarida xalqaro standartlar asosida yiliga 200 nafar malakali mutaxassis tayyorlash yoʻlga qoʻyiladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер