Bosh prokuratura huzuridagi Departamentning Chiroqchi va Dehqonobod tumani boʻlimlari tomonidan IIB xodimlari bilan hamkorlikda oʻtkazilgan tezkor tadbirlarda fuqarolar Sh.H. va J.Sh. qalbaki aksiz markali jami 1 156 dona “Shahrisabz” nomli isteʼmolga yaroqsiz alkogol mahsulotini sotayotgan vaqtlarida ashyoviy dalillar bilan ushlangan.

Shu kabi, Departamentning Amudaryo tuman boʻlimi tomonidan DXX va IIB xodimlari bilan hamkorlikda oʻtkazilgan tezkor tadbirda “C.» nomli doʻkon sotuvchisi M.S. xaridorga qalbaki aksiz markali 2 dona “QARATAU” nomli arogʻini va 1 quti tamaki mahsulotini sotgan vaqtida ushlanib, ushbu doʻkondan 553 dona turli xil alkogol mahsulotlari ashyoviy dalil sifatida olingan.

Mazkur holatlar yuzasidan Jinoyat kodeksining 176-moddasi (qalbaki pul, aksiz markasi yoki qimmatli qogʻozlar yasash, ularni oʻtkazish) va qimmatli qogʻozlar yasash, ularni oʻtkazish) bilan jinoyat ishlari qoʻzgʻatilib, tergov harakatlari oʻtkazilmoqda.