Fransiyalik deputat Oʻzbekistonda boʻlib oʻtadigan Prezident sayloviga koʻrilgan tayyorgarlikka yuqori baho berdi

17:27 23 Oktyabr 2021 Siyosat
259 0

Bugun Oʻzbekiston Respublikasi Oliy Majlisi Senati Raisining birinchi oʻrinbosari Sodiq Safoyevning Fransiya Milliy Majlisi deputati Karol Byuro-Bonnar bilan uchrashuvi boʻlib oʻtdi.

Muloqotda Fransiyalik deputat Oʻzbekistonda boʻlib oʻtadigan Prezident sayloviga koʻrilayotgan tayyorgarlikka yuqori baho berdi. Milliy saylov qonunchiligini takomillashtirish va xalqaro standartlarni tatbiq etish borasida izchil islohotlar olib borilganiga eʼtibor qaratdi.

Mamlakatlarimiz oʻrtasidagi doʻstona aloqalarni faollashtirishda parlamentlararo hamkorlik muhim oʻrin tutadi. 

Xususan, bugungi kunda Oʻzbekiston — Fransiya oʻrtasida siyosiy, savdo-iqtisodiy, madaniy-gumanitar, ilmiy-texnikaviy va boshqa sohalarda hamkorlik yoʻlga qoʻyilgan. Oʻzaro aloqalar 2018-yil oktyabr oyida Fransiyaga amalga oshirilgan oliy darajadagi davlat tashrifidan soʻng yangi bosqichga koʻtarilgani taʼkidlandi.

Tomonlar, shuningdek, ikki davlat manfaatlariga toʻliq javob beradigan iqtisodiy munosabatlar muntazam kengayib borayotganini qayd etdilar.

Uchrashuv davomida boshqa masalalar ham muhokama qilindi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?