Bosh prokuratura huzuridagi Departamentning Quva tuman boʻlimi tomonidan oʻtkazilgan tergovga qadar tekshiruvda “F.S.” MCHJ rahbari I.A. va boshqalar tosh maydalash sexidagi elektr hisoblagichga tashqaridan taʼsir oʻtkazib, jami 279,3 mln soʻmlik elektr energiyasidan noqonuniy foydalanganliklari aniqlangan.

Shu kabi, Bulungʻur tumanidagi “D.I.” fermer xoʻjaligi va Payariq tumanidagi “F.F.” oilaviy korxonasi rahbarlari xoʻjalik suv nasosini hamda toʻyxona binosini umumuy foydalanishdagi elektr tramogʻiga oʻzboshimchalik ulab, jami 225 mln soʻmlik elektr energiyasidan noqonuniy foydalanganliklari aniqlangan.

Departamentning Toshkent viloyati boshqarmasi tomonidan oʻtkazilgan tergovga qadar tekshiruvda, Bekobod tumanidagi “M.G.” MCHJ rahbari G.A. va boshqalar ishlab chiqarish sexidagi elektr hisoblagich tamgʻasini buzib jami 192,2 mln soʻmlik elektr energiyasidan noqonuniy foydalanganliklari aniqlangan.

Mazkur holatlar yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishlari qoʻzgʻatilib, tergov harakatlari oʻtkazilmoqda.