“Chimyon” hududida joylashgan restoran yonib ketdi
Toshkent viloyati, Boʻstonliq tumani, “Chimyon” MFY hududida joylashgan restoranlarning birida yongʻin yuz berdi. Bu haqida Favqulodda vaziyatlar vazirligi xabar berdi.
Maʼlum qilinishicha, bugun, 10-iyun kuni soat 01:32 da Toshkent viloyati, Boʻstonliq tumani, “Chimyon” MFY hududida joylashgan yogʻochli konstruksiya materialidan qurilgan restoranlarning birida yongʻin roʻy berganligi toʻgʻrisida FVBga xabar tushgan.
Mazkur murojaatga asosan, 5 ta yongʻin-qutqaruv ekipaji soat 02:01 da voqea joyiga yetib borib, yongʻin soat 02:13 da oʻrab olingan va soat 04:20 da toʻliq oʻchirilgan.
Dastlabki maʼlumotlarga koʻra, yongʻin natijasida restoranning taxminan 300 kv.m maydonda tomi, shifti, ichki qismi va jihozlari yongan.
“Yongʻin oqibatida tan jarohati olganlar toʻgʻrisida xabar kelib tushmagan. Yongʻin sababi va zarari aniqlanmoqda”, — deyiladi Favqulodda vaziyatlar vazirligi xabarida.
Tavsiya etamiz
Ko‘p o‘qilganlar
- Ish haqi, pensiya, nafaqa va stipendiyalar miqdori 10 foizga oshiriladi
- Kadastr pasportlarini berish muddatlari oʻzgartirildi
- Olimlar Alsgeymer kasalligidan himoya qiluvchi parhez haqida maʼlumot berishdi
- Dollar kursi oshishda davom etmoqda
- “Gʻalaba bogʻi”da mudofaa innovatsion texnologiyalari festivali oʻtkazildi—Fotoreportaj
- Prezident Makkada boʻlib turgan muftiy shayx Nuriddin Xoliqnazar bilan telefonlashdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring