Arxiv foto

Rossiya prezidenti Vladimir Putin Sankt-Peterburg xalqaro iqtisodiy forumi doirasida jahon ommaviy axborot vositalari bilan uchrashdi. Muloqotda Moskva 2022-yilda Istanbulda kelishilgan shartlar boʻyicha Ukraina bilan muzokaralarga tayyor ekanini maʼlum qildi.

U Kiyevni muloqotni kechiktirmaslikka chaqirib, kechikish Ukrainadagi vaziyatni yomonlashtirishi mumkinligini taʼkidladi. Uning soʻzlariga koʻra, 22-iyundan keyin muzokaralar olib borish mumkin boʻladi.

Shu oʻrinda Putin Ukrainani muzokaralarni imkon qadar tezroq davom ettirishga chaqirib, Moskva 2022-yilda taklif qilingan “Istanbul tamoyillari boʻyicha qaror qabul qilishga tayyor” ekanini taʼkidladi. Rossiya yetakchisi oʻshanda sharoitlar hozirgidan ancha yumshoq boʻlganini taʼkidlab, agar Kiyev ikkilansa, “vaziyat ular uchun yomon tomonga oʻzgarishi mumkinligi” haqida ogohlantirdi.

Shu oʻrinda Putin 2022-yil iyun oyida Istanbulda mahbuslarni almashishni nazarda tutuvchi dastlabki kelishuvlarga erishilganini eslatdi. U Rossiya muzokaralarni xuddi shu tamoyillar asosida davom ettirishga tayyorligini taʼkidladi.

“Agar ular muzokara qilmasa, vaziyat ular uchun yomon tomonga oʻzgarishi mumkin. Buni sudrab yurishga hojat yoʻq. Oʻtirib muzokara qilishimiz kerak”, — dedi Putin.

Asirlar almashinuvi va Ukraina Qurolli Kuchlarining demoralizatsiyasi

Putinning soʻzlariga koʻra, Rossiya allaqachon Ukrainaga 6 mingdan ortiq ukrainalik harbiylarning jasadini topshirgan va yana 3 mingga yaqinini topshirishga tayyor. Prezidentning taʼkidlashicha, Rossiya qoʻshinlari “barcha yoʻnalishlarda strategik ustunlikni” saqlab turibdi, butun jangovar aloqa chizigʻi boʻylab oldinga siljimoqda, Ukraina armiyasining yoʻqotishlari va resurslari yetishmasligi “safarbarlik darajasidan oshib ketadi”.

Putin, shuningdek, Germaniyaning “Taurus” raketalari yetkazib berilishini shubha ostiga qoʻyib, ularni nemis zobitlarisiz qoʻllashning iloji yoʻqligi va bu harbiy harakatlar yoʻnalishini oʻzgartirmasligini, balki Germaniya va Rossiya oʻrtasidagi munosabatlarni yomonlashtirishiga eʼtibor qaratdi.

“Germaniya Rossiya hududiga hujum qilish uchun nafaqat jihozlardan, balki nemis armiyasi zobitlaridan foydalangan holda ham «Taurus”larni yetkazib berish imkoniyatini koʻrib chiqmoqda. Albatta, katta savollar tugʻiladi. Agar bu sodir boʻladigan boʻlsa, bu harbiy harakatlar rivojiga taʼsir qilmasligini hamma biladi. Bu gap boʻlishi mumkin emas. Lekin bu munosabatlarimizni butunlay buzadi», — dedi prezident.

Zelenskiy bilan uchrashuv haqida

Ukraina prezidenti bilan shaxsan uchrashish imkoniyati haqida gapirar ekan, Putin masala Ukraina hukumatining “qonuniyligi”da ekanligini va u “hatto Zelenskiy bilan ham uchrashishga tayyorligini, masala hujjatlarni kim imzolashida” ekanini taʼkidladi.

Uning qayd etishicha, tomonlar qaror qabul qilish vakolatiga ega boʻlishi kerak, shuning uchun muzokaralar stolida aynan kim sherik boʻlishi muhim.

“Biz uchrashishga tayyormiz va aytmoqchi, men hamma bilan, jumladan, Zelenskiy bilan ham uchrashishga tayyorman. Ha. Bu masala emas. Agar Ukraina davlati muzokaralar olib borish uchun kimgadir ishonsa — Xudo haqqi, bu Zelenskiy boʻlsin. Bu masala emas”, — deya taʼkidladi Rossiya prezidenti.

Putin maxsus operatsiyadan maqsad Ukrainani demilitarizatsiya qilish, yaʼni kelajakda Rossiyaga ehtimoliy zarbalar berish xavfini bartaraf etish ekanini yana bir bor tasdiqladi. Uning taʼkidlashicha, vazifa faqat hozir mojaroga barham berish emas, balki bunday vaziyatlarning takrorlanishini istisno qiladigan istiqbolli yechim topishdir.

AQSH, Germaniya, Buyuk Britaniya, Xitoy, Turkiya va boshqa davlatlar axborot agentliklari vakillari bilan muloqotda Putin Ukrainadagi mojarodan tashqari boshqa keng koʻlamli mavzularga ham toʻxtalib oʻtdi. Xususan, u Rossiya — Xitoy sarmoyalari va Rossiyada xitoy tilining oʻsib borayotgan rolidan tortib, Yaqin Sharqdagi (Eron — Isroil) mojarolar va AQSH bilan munosabatlargacha toʻxtalib oʻtdi.