Illyustrativ foto

Respublikachi kongressmen Tomas Massi Vakillar palatasiga AQSHni NATOdan chiqarish toʻgʻrisidagi qonun loyihasini taqdim etdi. Bu haqda siyosatchining veb-saytida xabar berildi.

Qonun chiqaruvchi Shimoliy Atlantika alyansini Sovuq urushning qoldigʻi deb atadi va Qoʻshma Shtatlar blokdan chiqishi kerakligini taʼkidladi. Uning fikricha, tashkilotga sarmoya qilingan pullar sotsialistik mamlakatlarni emas, balki AQSHni himoya qilish uchun ishlatilishi kerak.

Massi NATO 30-yildan koʻproq vaqt oldin qulagan SSSRga qarshi turish uchun yaratilganini eslatdi. Biroq, alyansga aʼzolik AQSH fuqarolariga trillionlab dollarga tushdi va mamlakatning xorijiy mojarolarga aralashishi xavfini tugʻdirishda davom etmoqda.

“AQSH butun dunyo uchun “xavfsizlik qobigʻi” boʻlmasligi kerak — ayniqsa boy davlatlar oʻz mudofaasi uchun pul toʻlashdan bosh tortganda”, — deydi kongressmen.

Qonun loyihasi AQSH prezidentidan shartnomaning 13-moddasiga muvofiq NATOdan chiqib ketish haqida rasman xabardor qilishni talab qiladi va shuningdek, tashkilot tuzilmalarini moliyalashtirish uchun davlat mablagʻlaridan foydalanishni taqiqlaydi.