Foto: AFP

Oq uyning milliy xavfsizlik boʻyicha maslahatchisi Jeyk Sallivan dushanba kuni “Hizbulloh” va Isroil oʻrtasida oʻt ochishni toʻxtatish boʻyicha kelishuv loyihasi boʻyicha hali kelishuvga erisha olmaganliklarini, ammo AQSH hukumati bu oʻz yechimini topishga ishonch bildirgan.

“Bizning fikrimizcha, Livan tomoni ham Isroil tomoni ham buni amalga oshirishga tayyorligini bildirgan”, — degan u.

Shuningdek, Sallivan isroilliklar anklavga har kuni yordam koʻrsatish uchun yangi yoʻnalish yaratishga rozi boʻlganini bildirdi. Bu esa yordamni sezilarli darajada oshirishi mumkin.

Oʻt ochishni toʻxtatish kelishuvi fonida AQSH elchisi Amos Xochshteyn Bayrutga kelganini yozdi Livan davlat axborot agentligi. Uning safari Isroil va “Hizbulloh” oʻrtasida oʻt ochishni toʻxtatish boʻyicha muzokaralarda muvaffaqiyatga erishilgani belgisi sifatida koʻrilmoqda, biroq bu kelishuv yaqinlashib qolganini anglatmaydi.

Livan Bosh vaziri Najib Makatining soʻzlariga koʻra, Bayrut AQSH tomonidan qoʻllab-quvvatlangan urushni toʻxtatish taklifiga ijobiy javob bergan. Lekin muzokaralardan xabardor boʻlgan Isroil manbasi yaqinlashib kelayotgan kelishuv ehtimolini shubha ostiga olib, kelishuv buzilgan taqdirda Isroilning guruhga hujum qilish haqidagi talabiga “Hizbulloh” rozi boʻlmasligi mumkin.