Saminjon HUSANOV/“Xalq soʻzi”. Andijon tumanida zamonaviy, tejamkor va “aqlli” issiqxona sinovdan oʻtkazilmoqda. Xoʻsh, uning afzallik jihatlari nimada?

— Buni siri juda oddiy, — deydi ish yurituvchi Sarvarbek Teshaboyev. — Issiqxonaning yuqori qismi uch qavat plyonka va uch qavat kigiz bilan qoplangan. Quyosh nuridan keluvchi issiq harorat plyonka orqali ichkariga yoʻnaltiriladi va tun davomida xonadagi iqlim muvozanatini saqlab turadi. Buning uchun tungi vaqtlari plyonkaning ustidan kigiz yopiladi. Yozda issiqdan, qishda sovuqdan asrovchi bu usul mamlakatimiz iqlimiga juda mos ekan. Ayni paytda bu yerda golubika, oq qulupnay va boshqa noyob butalarni parvarishlayapmiz. Bir mavsumda qulupnaydan 3 tonna, golubikadan 1,5 tonna hosil olishni rejalashtirganmiz.

14 sotixda barpo etilgan issiqxonada barcha jarayonlar avtomatik tarzda boshqariladi. Adirlik, toshloq, unumdorligi past maydonlarda undan foydalanish maqsadga muvofiqdir. Bunda suv tejamkor uskunalarni qoʻllash muhim ahamiyat kasb etadi. Tahlillar shuni koʻrsatmoqdaki, tashqarida 20 daraja sovuq boʻlganida ham, jarima issiqda ham hech qanday yonilgʻisiz mahsulot yetishtirish imkoni mavjud.