Andijonda 44 nafar amaldor jarimaga tortildi
Biznes ombudsman Andijon viloyatida 44 nafar amaldor jarimaga tortilganini maʼlum qildi.
Qayd etilishicha, tadbirkorlik subyektlarining huquqlari va qonuniy manfaatlarini himoya qilish boʻyicha vakil devoni tomonidan tadbirkorlar murojaatlarining oʻz vaqtida koʻrib chiqilishi tahlil qilinganda, ayrim amaldorlar tomonidan qonunbuzilish holatlari aniqlangan.
Vazirlar Mahkamasining 434-son qaroriga asosan, chorvachilik mahsulotlari uchun subsidiya ajratish boʻyicha tuzilgan tuman komissiyasi tomonidan 5 ish kun ichida elektron platforma orqali xulosa berilishi shartligi belgilangan.
Biroq, viloyatning 9 nafar tuman hokimining qishloq va suv xoʻjaligi masalalari boʻyicha oʻrinbosarlari, 11 nafar tuman agroinspeksiya boʻlim boshliqlari, 16 nafar veterinariya va chorvachilikni rivojlantirish boʻlim boshliqlari va 8 nafar tuman moliya boʻlimi boshliqlari tomonidan tadbirkorlardan kelib tushgan murojaatlarga xulosa berishda muddat buzilishiga yoʻl qoʻyilgan.
Xususan, Asaka tuman hokimining qishloq va suv xoʻjaligi masalalari boʻyicha oʻrinbosari tomonidan “Zumrad” (nomi oʻzgartirilgan) MCHJning 2023-yil 31-oktyabrdagi subsidiya ajratish haqidagi arizasi 2024-yil 19-yanvarda muddati oʻtkazib xulosa berilgan.
Andijon viloyatidagi 44 nafar mansabdor shu kabi qonunbuzilishi holatiga yoʻl qoʻygani oqibatida tadbirkorlarning murojaati oʻz vaqtida koʻrib chiqilmagan. Shu bois, Maʼmuriy javobgarlik toʻgʻrisidagi kodeksning 43-moddasiga asosan, qonunbuzilish holatlariga yoʻl qoʻygan masʼul shaxslar maʼmuriy javobgarlikka tortilgan.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring