Amir Temurga maktub
Amr qiling, tosh ustiga,
Boshim qo'yay, bosh ustiga.
Yuragingiz qatltoshdur,
Foshlar bo'ldik fosh ustiga.
Yurak sahar jo'shib tursa,
Bu ne balo shoshib tursa,
Ko'zim zahar qo'shib tursa,
Men yeydigan osh ustiga.
O'n yettidan endi oshib,
Bir boshimda shuncha oshub,
Buncha jabr qildingizay,
Shu o'n sakkiz yosh ustiga.
"Ko'ngil" otliq lashkaringiz,
Tortib keling Shosh ustiga,
Sizga peshvoz chiqgayman men,
O'sma tortib qosh ustiga.
Ko'nglingizdan gar badar men,
Darbadar men,
Sarbador men,
Halok qilgayki, agar, men,
Yoshlar to'ksam yosh ustiga.
Bizning makon "Yurakyurt"dir,
Men ul yurtga shoh istamam,
Lek, kelsangiz yurak yutib,
Siz Amir, men Shohistaman!
Shohista Ergasheva,
Zulfiya nomidagi Davlat mukofoti sovrindori
Tavsiya etamiz
Ko‘p o‘qilganlar
- “E-ekspertiza” platformasi orqali elektron hujjatlar almashinuvini yoʻlga qoʻyish tartibi tasdiqlandi
- Nodavlat sud-eksperti sifatida faoliyat yuritish yanada soddalashtiriladi
- “Istanbul Bashakshehir” mehmondan gʻalaba bilan qaytdi
- Ukrainaning uch viloyatida portlashlar qayd etildi. Qurbonlar bor
- Bu yil Oʻzbekiston Proligasida 14 ta jamoa ishtirok etadi
- Shavkat Mirziyoyev Vashington shahrida Tinchlik kengashining dastlabki yigʻilishida ishtirok etdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring